Zëvendëskryeministri në detyrë, Besnik Bislimi ka njoftuar se prej nesër, hyn në fuqi zbatimi i ligjit për të huajt dhe automjetet.

Në një postim në Facebook, ai dha detaje për këtë ligj, shkruan Arbresh.info.

“Nga dita e nesërme fillon zbatimi i ligjit për të huajt dhe ligjit për automjetet. Në fazën e parë të zbatimit, vizitorët që hyjnë në vendkalimet kufitare do të pajisen me material informues rreth procedurave dhe rregullave specifike, dhe kjo periudhë do të zgjasë deri më datën 15 mars. Pas kësaj fillon zbatimi i plotë i procedurave dhe rregullave që parashihen me ligjet e lartëpërmendura. Qeveria e Republikës së Kosovës njofton se kjo periudhë e zbatimit afirmativ duhet të përdoret maksimalisht për të filluar me procesin e integrimit përmbajtësor të sistemit shëndetësor dhe atë të arsimit në gjithë territorin e vendit.”, thuhet në njoftim./Arbresh.info